الصيف.. مشا وجا و باقي كايتهجا شكون كيعقد لينا

الصيف.. مشا وجا و باقي كايتهجا

شكون كيعقد لينا ولادنا من غير ولادنا ؟
الداري اللي سولتيه باغي مشي لبرا, ماشي موهيم واش خدام أو لا شومور كاين اللي مرسم كاع و لكن هاديك الفكرة كبرات معانا من الصغر . أَوْ و بالسيف مللي كتشوف شي وحدين كيجو اطفطحو علينا فشهر 8 بشي طوموبيل ساويا أو دايز مصدعنا بالبابور يا مون أمور, أو عقلية خامجا فيها لي بواط أو الساطات اللي مكيبقاوش اتشلخو و الله لعظيم ديك النهار دايز من حدا التيران أو واحد 2 ساطات وقفت عليهم واحد الميرسيديس معقلوش على مولاها و سمعت وحدة كالت ليها زيدي زيدي غير بلاكة مغريب زعما كون وقفت شي R4 بلاكة صفرا كون كانت هصرة خرا. و العجاب هاد برا شحال كبرنا ليه الشان و شحال من واحد مشا تما أو مالقاش بلاصتو فالسيناريو , كيما قال حميدة قاليك واحد عمرو ماشاف حتى كازا كيدايرا من لحمارا لطايارا كيف بغيته ارجع من الطاليان؟هاد النوع كيف مشا كيف كيرجع تا حاجة ماكتبادال فيه من لداخل أو راه الناس اللولين كالها (أ لمزاواق من برا أش خبارك من لداخل) شوية لفلوس ديال 11 شهر دال تمارا كتمشي فوالو مالين لعقل كيستتمروها فشيمشروع أو واحد تابع الشهوة اللي كان محروم منها مللي كان هنا أو مللي كيعاود امشي تما بحال شي بوكل ديال الفزيال بازيك

هاد النوع أنا مكنحملهومش معندهومش النيفو أو نتوما ؟