الى كنت شاطاوي عرف امتى تشاطي الطبع ديالي مكنحملش

الى كنت شاطاوي عرف امتى تشاطي

الطبع ديالي مكنحملش نهود المدينة القديمة و لكن ليوما كنت مضطر او خصني نمشي تال حدا الحلايق أوطوماتيكمو غادي دوز من شارع الرباط سباب كرهي لهاديك اللي عند الناس تفويجة, كاع اللي معندكش معاه و اللي مشتيهش لعام كامل كتلقا معاه فهاديك اللحظة و من الادب بنادم القاك فالمدينة إ سلم عليك من البعد و كل واحد امشي فحالو الصراحة هاد الشي اللي كندير ماشي محملتوش لكن باش مانديروش أزمة مرور. هو لا...كيجي يوفي سلام 4 بوسات معرط شكون خرجهم تا ولات عرف و أخيب لحظة كتحاس فيها أنك كتكره راسك هي ملي كايقول ليك فين شادها, دابا هاد الكلمة تاهيا فشكل لان لي طرحها عليك باغي قول ليك زعما واش خدام أولا باقي شومور؟ نتا كتنزق ... غير فوق لارض أولا غير هنا أولا غير فالمحمدية ... كايدوز معاك النيفو لاخور... محرك؟ زعما واش خدام و لكن ديما خاصو يلعبها بانضا ... دابا الموصيبة فهاد الشي كامل هو ديما كيتسنا الجواب منك تا اللول عاد اجاوب هو. باش لا قلت ليه غير مريح اقول ليك تا أنا ويلا قلتي ليه خدام فشي لعيبة اشوف تاهو شي خديمة تسلكو . و كين شي نوع أخر ت تعلم اشاطي هاداك السلامة منو كي كات بان ليه و كيبدا يعاود ليك على السيتات او السكيبلوكات .واحد خاينا تلاقيت معاه انا و براهيم في لابلاج كان خدام في سيبير قال لينا انا وليت انجينيور في لانفورماتيك كال ليك قرا فواحد المدرسة ديال 100 درهم او جا هو اللول فالوورد.
كاين اللي كيشوفك كايسحابك بالانترنت مطفرو كيسلم عليا و بدا يقول ليا انا كندير أو كندير . شفتي واحد خاينا اشنو دار و احد البروكرام تيليشارجيتو كيدير ... و عاك كيسحابك بنادم واش نتا عايش غير لانترنت أخويا راني كعما كنحمل نجمع فهاد المواضيع, نارييييييييي و تقولها لشي واحد, كيولي كرهك أو قول ليك مكتبغيش توري,, فالدريبا كيكنخروج نمارس الهواية المفضلة عندي الحضية و الضواسا كتجمع شي شلة ديال الشات او كيبداو اشوفو فيا بحالا انا لي صانع لانترنت
عندك شي سيت ديال الشات مفيهش المغاربة ؟
مازال مضبرتيش على شي كاورية نتا شحال هادي ونتا كانكونيكطا ؟
عندك شي بروكرام كايدخل لي بواط؟
عندك شي سيت ديال التيليفون فابور ؟ أو ديل الميساجات ؟
       erreur fichier WDKKJFLZKJF chi l3ayba ….واحد البي سي كيكتب ليا

مناش ؟
كنجمع الشجاعة عندي و كان قول ليهوم الدراري هاني جاي أو كان دير لعبة ذهب و لم يعد