هو صاحبها و هي مصاحبا معايا قالو اللولين قد لي

هو صاحبها و هي مصاحبا معايا

قالو اللولين قد لي عندك قد لي تسوا في إشارة للمال, وفالواقع كنشوفو هاد الشي ملي شي واحد ماكتربطك بيه تا علاقة غير السلام و كيجي عندك قاصدك و قصدو هريف بغيت نقول قصدو شريف, واخا يكون باغي غير سبرديلا خانزا يقصر بيها الكورة أما شي وحدين كيبغو لبورطابل كاع, و المصيبة لكبيرة هي خلي عندو حاجتك و سير عصر عليه جيبها حيت قليل لي كايغلبو وجهو ويردها ليك كيف ما جا داها, و طلب الله ترجع سليم .

أما بالنسبة للصحاب فميمكنش تعرف شكون مصاحبك و شكون مصاحب حاجتك خصوصا لكنتي ساوي, أما فالحالة ديال بحالي فالصحاب معروفين حيت كاتكون ساوي راسك.شعار فقير المال مرحبا باللي بغانا بلا زواق حيت اللافولوس هي المناعة ضد دوك الفيروسات و الحق نقول ليكوم وليت كانخاف من اللعاقة حقاش كتعمي العين, وكيقولو غفل طارت عينك, كايولي بان ليك الشماتا أوبــتيسيان, باز لصحاب لفلوس شحال عندهوم من صاحبها ... ها عشير السامدي سوار, ها صاحب البلية, ها صاحب سلفني تا راس الشهر... الله اخلينا في صباغتنا.