الحولي يا الحولي العيد على الابواب اواحد صاحبنا
الحولي يا الحولي
العيد على الابواب اواحد صاحبنا الحولي كيتسنى. في الحقيقة ابنادم كيتلف في هاد العيد دنيا مرونة ليشوف المغرب يقول نايضة فيه الحرب الاهلية المهم بلا ما نطول عليكم نخليكم مع الفراجة
الحولي يا الحولي
ملي شفتك عنيا حوالو
ها الرومي ها البلدي
ها الكروازي ها الصردي
في العيد كلها يلغي بلغاه
كلها يشري الحولي لبغاه
العيالات بغاوه يكونو بقرونو
ادراري يركبوه ويسوكوه بحال الرونو
باهم مسكين خاصو يشوف كيدير
باش يدخلوا للدرب بكمانجة و البندير
ومرتو تزغرد باش يسمعو الجيران
وتقول ليهم تفرجو يا العديان
في الزنقة الله يحفظ كلشي هاز المضى
ها الجنوي ها الشاقور ها المقدة
جا نهار العيد كلشي خرج من المصلى
يقلبو على الجزار ا هو عليهم يتفلى
في العيد ما يبقاو لا مساكن لا دراوش
كلشي كيولي على اللحم مهاوش
ارى برع علمشوي ازنان مترس
الكرعين اراس الحولي مفرنس
اما مولاتي الكصعة ازيدها الطاجين
مع البوفتيك الخليع شحال بنين
سالا العيد ا بحالا شي ما كان
نتسناو يدوز العام باش الفراجة تبان