علم النفس. صانع راسك و لا صانعك شي حد؟ اللي غادي

علم النفس. صانع راسك و لا صانعك شي حد؟

اللي غادي قرا العنوان غادي قول تا هاد خاينا اش كيقول؟
بغيت نقول زعما واش ديك الشخصية اللي هيا نتا و راسك اللي مصاحبك واش نتا مولاه ؟ مازال مافهمتي نبداو من الأول.
مثلا ملي كنت صغير كنت كنسمع بزافت لحوايج من عند اللي كبر مني و سيرتو ولاد الدريبة الجينيراسيون اللي سبقتني , و شي حويج كانو كيقولوهم كبرو معايا واخا معمرني معشتهوم خصوصا لي زيسطوار ديال الدريات , كان هاداك بنادم اللي كيعاود لينا أصلا غير سامع تاهو و البوكل غاديا’ كيبدا اقول لينا الدريات خاطار و كايبدا يقول ليك انا مصاحب مع 4 سلطات كنترندف معاهوم فنهار واحد, هو مسكين تا وحدا مكتحملو و احترامي للساطات اللي كنت تا أنا غالط فيهم فاللول و لكن الذنب ماشي ديالي أنا غير كنت سامع بحال الخوت, و نفرض مثلا شي ساط عندو جمتو و المصيبة كيتشروط عليها و لكن مللي كيعاود لينا ديما هو الباطال أو هيا غير لاصقة فيه واخا هو ماحاملهاش, و بحال هاكدا مشاو لينا هاد الحكايات فالدم.

دابا ملي كبرت بديت كنعيش أو كنصحح شي حوايج, سي فري كاين دريات خايبات و لكن ماشي كولهوم و حتى فالدراري كاين شي قوم لهلا يعاشرك معاه, هادي هي الدنيا أو ماشي حيتاش مانجحتش ليك التجربة اللولا صافي كتعممها على كولشي حيتاش الغلطة ديالك محسنتيش الإختيار.

واش الحب الأول هو السبب؟

كاين اللي غادي قول ليك حكا الحب الأول هو علاش تعول , و هو اللي كيقرر المصير ديال الشخصية... و لكن شكون قال هاديك خيتي اولا خاينا هو حبك الاول؟
عاندي واحد التفسيير لهاد القاضيا تقدرو تكونو مطافقين معايا فيها و تقدرو لا و لكن تقدر تفهمكم داك الشي اللي مقدرتوش تفهموه.
حبك الأول شي بنت أولا الجيران و لكن مقدرتوش تكونو بجوج ... دوماج .هاد القاضيا باقا مأترا فيك؟

الديفينيسيو ديال الحب الأول فالمغرب غالط اللي صحيح فيه هي الكلمة الثانية, لأن الحب هو علاقة مبنة على العشرة و التفاهم و الإحساس بالاخر و ماشي شفتيه أو عجبك أولا كاع تلاقيتو شي مرة أولا جوج سافي هاداك هو الحب اللول أو من بعد تفارقتو,و لكن هاديك الخطوة اللي درتي جديدة عليك يعني درتي أول علاقة مع الجنس الأخر و لكن ماشي أول حب, أو كيدوز الوقت كولا واحد كيعيش حياتو و لكن ديما كتبقا هاديك الحلقة ناقصا و التساؤل مطروح ...
الإنسان بطبعو فيه حب الإستطلاع يعني كيبغي اعرف المصران اشنو فيه , كون عاشتي ديك الحلقة كان غادي كون عندك احساس اخر , أو غالبا كانت هاديك العلاقة ماغاديش تصدق و غادي تسالي و غادي تعيش حياتك عادي, و لكن المشكيل معشتيهاش إذن علاش كيتنادم معاك الحال؟ . و كاين واحد السبب أخر هو ان ديك الساطا اولا داك الساط كايكون ملعب ديك الوقيتا أولا بوكوصا و لكن خاينا أولا خايتي ماعمرو شاف فيك العشرة و هاداك الاحساس اللي كان عندك ما هو الا إعجاب.