كون حمار لا تكون سبع كنت داخل واحد المنتدى وانا

كون حمار لا تكون سبع

كنت داخل واحد المنتدى وانا نلقى واحد خاينا كاتب على الحمار و كاتب أستسمح ... ؟ واش الحمار عايب ؟ كاع الناس كيضربو بيه الامثال في الدمديمة و الله تاحشوما أنا بعدا كيعجبني لحمار وذنيه طوال و عينيه كبار كيبان بوكوس او وجهو كاتبان فيه البراءة و من فوق هاد الشي ذكي بزاف أو بذراعو لدرجة واحد خاينا كان كايبيع الملح ملي كان كيحط السلعة لمول لحانوت لحمار كيسبقو بالكروسة لمول لحانوت لاخور, أما واحد السبع غير مريح بالعربية شومور او نعاس ماكايدير تا وزة غير الشخير و العصير فراس الدرب بغيت نقول الغابة أو كايضربو بيه الأمثال في الزعامة ... السيد كيتسنا اللبؤة تمشي تصيد أو هو مكسل كايتبرونزا ويجي لقاها باردا و لحمار بوبري لعام كامل او هو يدمر باش اياكول طرف الخبز أو في اللخر اسبوه ويعضمو السبع لدرجة لحمار كان باغي بدل سميتو كاع, طلبو ليه ليكسطري ساعة باه مادايروش فالحالة لمدنية.أنا بعدا كاع اللي كايبغي بان سبع كنحتاقرو أو كان دير معاه اتونسيو حيت فأي وقت اقدر اغدرك, ولي كايقولو ليه حمار هاداك هو علامن تعول و دير فيه الثقة.
غير كون مزيان اقولو ليك حمار ويلا كونتي متسواش اسموك سبع ... و شحال من سبع مات مغدور حيت المحكور غدار ويلا كنتي سبع حضي من الضبوعا.
ويلا كنتي حمار بحالي مرحبا بيك فجمعية البردعة .