عيد الشكر عند الأمريكيين ليوم في لميريكان غير لي

عيد الشكر عند الأمريكيين

ليوم في لميريكان غير لي بغا يبقا بالجوع, ماكاين غير القس و اللحومات, هاد النهار كايسموه عيد الشكر Thanksgivin الي كايدبحو فيه طيور بيبي, و هو يقام كل عام في الخميس الرابع من شهر نوفمبر, هاد العيد ماعندو تا علاقة بالدين لا يمشي شي واحد اطلق علينا شي كذية الله ينجينا و نجيكم من الإشاعات, فهاد النهار كايفكرهم بنجاة الأسلاف ديالهوم من الهلاك في القرن السابع ملي بدات الهجرة إلى أمريكا طبعا بعد اكتشافها صدفة من طرف كريستوف كولمبوس هروبا من قمع الكنيسة الانجليزية ديك الساعة, و في الرحلة مات منهم بزاف, الموهيم ملي وصلو جابوها مع فصل الشتاء, قهرهوم الثلج و الجوع .دوك اللي بقاو من الرحلة ماكانو يعرفو لا يحرثو لا يصيدو, إيوا لي مات مات , حتى جا واحد الجوج من الهنود الحمر كايقولو ليهم (سكوانتو) و (ساموسيت) هوما لي علمهوم كيفاش اصايدو الطيور و الحوت و يغرسوا البذور.
من تما دارو هادوك لميركانيين واحد الزردة كبيرة فيها الطيور و سيرتو بيبي و سماوها عيد الشكر عرضو فيها على الهنود الحمر, غير سالات الزرودو بردات القضية بدا الاحتلال و الابادة و كان من الضحايا دوك الجوج (سكوانتو) و (ساموسيت)
الموهيم من بعد و ابتداء من 1941 ولا عيد رسمي صادق عليه لكونكريس كايشكرو فيه النعمة لي خلاتهوم باقيين عايشين لحد الأنايوا نقولو عيد سعيد للدراري لي كانعرفو فالميريكان : هشام و عبد العاطي و عديل ديال ديما ديما راجا و لكاع الدراري لي في ليو إس إي