ابسط الامور كاكبرها.....؟؟ كثيرة الاحداث التي تقع

ابسط الامور كاكبرها.....؟؟

كثيرة الاحداث التي تقع كل يوم في مدينتنا ان لم تكن في هدا الشكل فهي في شكل اخر. و جميعها تتمحور على سوء الادب كما تتمحور على الروح الفردية التي لا تفرض المجتمع وجودا .يمكن للانسان أن يتعرض لمشاكل الى فكر يوقف مرتكبي هاد المشاحنات او يمكن ما يلقاش لي عاونو حقاش حنا كانعانيو من الروح الجماعية.

كاين بزاف تاع الامثلة لي كتعكس سوء سلوكنا الاجتماعي و هي موفرة عند الكبار او حتى الصغار لي قاري او لي ماقاريش لي هو غني او لي منتمي الى الاوساط البرجوازية كلشي السبب هو الروح الفردية اللي كتغلغل في الجميع او ضعف المجتمع بنفسو لي مقدرش يوضع حد لاعتداءات الفراد عليه.

يمكن ليا انا نعطيكم بعض الامثلة او كلشي كيعرفها اجيو نتكلمو على شباب اليوم لي كيسوقو سيارة و يوقفها حدا شي دار و يضغط على الكلاكسون و يطلقو بشدة مزعجة باش ينبه شي صديق او لا شي صديقة او لا شي صاحبو في شي طابق بلى ما يبالي ابه صدع الناس او كيزعج المارة في الحي او هو اش عمو مادام هاد السلوك غادي يعفيه من الصعود لتنبيه من يريد.

اما صحاب الدرجات النارية اولا سكوترات فحدث ولا حرج عليك يمشو و يرجعو بسرعة خاطفة و فرقعة فضيعة من اول الشارع حتى الاخر ديالو او هاد الشي كامل باش يلفتو انضار خاصة اليهم من الشراجم اولا من غير او يعاكسو بها ساطات اليوم لي ولى عاجبهم هاد الشي او بزاف.

ناري ناري الى دويت على الطوبيس اولا كيف كانسموه الحافلة العمومية تا اش من حافلة اولا عمومية تا هاديك غاه جهنام كحلة ما كتحس حتى تلقى واحد لقى نفسو عليك او مني تلفت ليه تلقاه سبقك او قال ليك تصوخر شويا او مني كيعمر الطوبيس كتلقاه مازال وراك باش تفاتن معاه او يبقى يخنزر فيك بحال لا انت ارتكنت شي جريمة.

اجيو نمشو نبعدو على اداب المرور اولا الطوبيس واجيو تكتاشفو معايا هواة الجلوس على كراسي المقاهي اوهما مسرحين رجليهم او بلاغيهم في وجوه المارة او كيعيقوهم على المرور و دفعو بهم الى ممر السيارات او شحال تاع المرات كتجرى ليا كنحشم ندوز من حدا لقهاوي حقاش ولاو شادين لينا الطوطوار داك شي علاش كنخرج لشانطي
ايوا هاد شي كامل قلناه غاباش بنادم يصحح الاخطاء باش تستهلك بلا ما تهلك لووووووووووووووووول
ايوا خليناكوم بـيــــــــــــــــــــــــــــــــــــخــــــــــــــــــــــير
اه سمحو ليا على التخلاط غاه بغيت نقربكوم غشويا تهلاو بـــــــاي بـــــــاي

Comments

[Anima]

السي عبدو عافاك حاول علينا ما تبقاش تنشر بزاف ديال المواضيع في النهار راه قرايتنا غي على قدنا لول